Почитувани љубители на театарската уметност, театарски дејци и уметници, актери,

Нашата приказна започнува уште во 1949 година, на овој ден 21 април, со премиера на претставата „Силјан Штркот“ на тогашната куклена сцена при Македонскиот народен театар. Од тогаш на нашата сцена сме створиле стотици премиери и извеле илјадници претстави.

Сме се претставувале на локални и на меѓународни фестивали.
Сме ги прошетале сите континенти.
Сме добивале безброј награди.
Сме биле и домаќини на светски ѕвезди и на големи театарски имиња од целиот свет.
Сме играле пред стотици илјади гледачи.

Сето ова е плод на сите оние кои работеле овде. Сите актери, режисери, костимографи, сценографи, технички персонал, административни службеници, како и на публиката која е тука секогаш со нас и не поддржува во се што ќе направиме, што ни дава дополнителен мотив да продолжиме со нашето творење.

Со ист жар продолжуваме да работиме и понатаму и да креираме за општеството околу нас, за светот, потковани со голема домашна и меѓународна препознатливост.

Во ова тешко време, со надеж за брзо враќање на сцената која живот ни значи, ви благодариме на сите!

За уште десет пати по толку!

Нека ни е среќен 74. роденден!

#Драмски